Lirik Lagu Gayo
“Beberu Jemen – Kandar SA – #SINIKITE
Cipta: Mahlil Lewa
***Musik***
Beberu jemen berbaju kurung
Tertib i kampung kin ama ine
Beberu seni olok mulambung
Seruel tangung gere bersuje
Bebujang jemen berpingang rancung
Berkeris rencung alat sedie
Bebujang seni pumu berkalung
Gere ne tertunung resam denie
Beberu jemen jeroh berpating
Arnet i riling nge lagu jele
I taos keriting lagu pemen cine
Wooo ine
Beberu jemen tertib becerak
kedik mugagak sire kutelege
Beberu besilo olok nge rusak
Sapu ni celak semelah denie
Bebujang jemen munyeluk bulang
Beloh mu nunang i lao senye
Bebujang besilo waok nge gernyang
I selok tangang sawit ni kule
Wooo ine
Beberu jemen gere terpancing
Way paling eking naso resie
Beberu seni bertiru ku asing
Baju belah samping kuduk ke muke
Aman mayak jemen sinting di sunguh
Ari umah tangkoh tengah melem bute
Aman mayak seni tue di sepoh
Pukul sepuluh mantong munyite
Inen mayak jemen beta sopan ne
Kelubung nulu e kemel di gure
Inen mayak seni Roa lo ilen ne
Wooo ine
Ulakmi le ulak mi entah kusi nge mai e kite
Ulakmi le ulak mi le ulak mi kite ku sedenge
Terima Kasih Telah Mengunjungi Blog #SINIKITE
Semoga Bermamfaat
Terimakasih telah membaca di Piool.com, semoga bermanfaat dan lihat juga di situs berkualitas dan paling populer Aopok.com, peluang bisnis online Topbisnisonline.com dan join di komunitas Topoin.com.
